كود سبور//

أكد يحيى عطية الله لعاب المنتخب الوطني المغربي بلي هو وصحابو فليكيب ناسيونال غادي يوجدو مزيان للماتش الجاي ضد بلجيكا فثاني جولة من كأس العالم قطر 2022، وبلي الهدف ديالهم يتورخوها فهاد المونديال ويفرحو المغاربة.

وقال يحيى جبران فتصريح له قبل من الحصة التدريبية ديال المنتخب الوطني المغربي اليوم الخميس: ’’حنا تايقين فريوسنا وغادي نقدمو مونديال تاريخي باش نفرحو المغاربة كاملين‘‘.

وكمل يحيى جبران الكلام ديالو وقال: ’’حنا المغاربة شعب شغوف بكرة القدم وكنشكرو الجمهور المغربي على الدعم ديالو الدائم وكنواعدوهم نفرحوهم الماتش الجاي‘‘,

وبخصوص الأجواء داخل ليكيب ناسيونال من بعد التعادل ضد كرواتيا قال عطية الله: “ما كاينش علينا الضغط واللعابا تايقين فريوسهم المدرب وليد الركراكي عاطينا ثقة كبيرة وهادشي كيخلينا نقدمو أداء مزيان وغادي نزيدو نخدمو كثر باش نفرحو المغاربة”.