عمر المزين – كود///

اليوم السبت 7 فبراير 2026، فحدود التاسعة ونص صباحا، اضطر القطار المكوكي السريع A11 يوقف الرحلة ديالو بين محطتي بوسكورة والنواصر بسبب عطب تقني، الشي اللي تسبب فاضطراب فحركة سير قطارات المسافرين اللي غادية لجهة الجنوب.

المكتب الوطني للسكك الحديدية أكد باللي مباشرة من بعد وقوع العطب تمّت التعبئة ديال جميع الموارد البشرية والتقنية الضرورية، ومازال الخدمة دايرة دابا باش ترجع حركة القطارات للوضع العادي فاقرب وقت ممكن.

وفالبلاغ ديالو، قدّم المكتب الاعتذار للزبناء على الإزعاج اللي تسبب فيه هاد العطب، وشكرهم على حسن التفهم ديالهم حتى ترجع الأمور لطبيعتها.