كود -وكالات//

البوليس الفرنسي وقف، البارح السبت، هجوم بقنبولة قدام مقر بنك أوف أمريكا فوسط باريس وللي كان غادي ينفذو سنغالي مينور، وهاد العملية كانت أول محاولة إرهابية من نوعها ففرنسا مني بدات الحرب فالشرق الأوسط، واللي تم توقيفو كان غادي يشعل القنبلة، واللي معاه هرب، التحقيق خداتو النيابة العامة لمكافحة الإرهاب.

لوران نونيز، وزير الداخلية، قال إن طريقة تنفيذ الهجوم كتقرب بزاف لعمليات وقعات فالدول الأوروبية السابقة، واللي تبناتها جماعة قريبة للحرس الثوري الإيراني، وذكر أنه ممكن يكونوا “وكلاء” للإيرانيين ورا العملية.

الحادث وقع مع 3:30 فشارع لا بويتي، والرجل اللي شدوه قال إنه قاصر وعندو الجنسية السنغالية، والبوليس كيتحقق دابا من هويتو، المصادر ذكرات أنه تم تجنيدو من سناب شات مقابل 600 يورو باش ينفذ الهجوم.

فنفس الموضوع جريدة “لو باريزيان” قالت اليوم الاحد، باللي تشد مشتبه فيه ثاني، أما مكتب النيابة العامة الوطني لمكافحة الإرهاب ففرنسا PNAT)) قال بلي شدو شخص ثالث.