گود سبور//

وجه الإسباني رافا مير اللاعب المعار من إشبيلية إلى فالينسيا، رسالة إلى الرأي العام الإسباني بعد الاتهام ديالو بالاعتداء الجنسي على جوج بنات فالصبليون.

وبعدما قررت السلطات الإسبانية أنها تابعو فحالة سراح، خرج رافت مير ببيان أكد فيه أنه بريء وأن عندو الثقة فالقضاء الإسباني وأنه تعاون مع السلطات من الأول، وقال إن القضية اتخدت منعطفا مهما لعدم أساس الشكوى المقدمة ضدو.

واعتذر رافا مير من مكونات فالنسيا على هذا الشي اللي وقع له واللي تسبب فأنه ما يبداش الموسم بطريقة مزيانة مع الفريق ويغيب على التداريب، فالوقت اللي قررت إدارة النادي تعطيه عطلة يرتاح بعدما دوز يومين من الأسبوع الماضي تحت الحراسة النظرية.