عن الوكالات ////

التوقعات باختيار مجتبى خامنئي مرشد جديد فبلاصة باه اللي تقتل فاول ايام الحرب على ايران، غادية وتتأكد. هاد المرة اكدها عسكر دیرباز، وهو عضو فمجلس خبراء القيادة الإيراني اللي گال فحوار ليه مع شي اذاعة وتلفزيون محلي، باللي هادا هو رأي أغلب أعضاء المجلس”

ووضح هاد المسؤول باللي الاجتماعات العديدة اللي داروها أعضاء المجلس بينات باللي حتى الآن “أغلبية واضحة”، غير هاد الامور، مازال ما تسجلاتش فمحضر رسمي “لاسباب امنية”

هاد المجلس خايف ينعاقد ويتقتل كولو بضربة امريكية او اسرائيلية.

عسكر دیرباز قال باللي مجنبى خامنئي ما بغاش المسؤولية فاللول وباللي هاد الشي تحول ل”تكليف شرعي سيذعن له بالتأكيد.

وكان سفير ايران السابق فاستراليا والمكسيك محمد حسن قديري أبيانه وهو محسوم على الراديكاليين، اكد باللي غالبية أعضاء مجلس خبراء القيادة اختاروا مجتبى خامنئي كمرشد جديد للبلاد.

امريكا واسرائيل كانو هددو بقتل اي مرشد جديد. قناة اسرائيلية كانت قالت باللي هاد مجتبي كان تعرض لمحاولة اغتيال بعد قتل بوه ولكن المحاولة فشلات