الرئيسية > كود سبور > عصام الحضري كيحدر لمغاربة من الصبليون: ما عمرني حضرت لشي ماتش فالتيران الا لماتش المغرب ولكن واياكم من الغرور ونقطة ضعف الصبليون حارسهم
06/12/2022 14:01 كود سبور

عصام الحضري كيحدر لمغاربة من الصبليون: ما عمرني حضرت لشي ماتش فالتيران الا لماتش المغرب ولكن واياكم من الغرور ونقطة ضعف الصبليون حارسهم

عصام الحضري كيحدر لمغاربة من الصبليون: ما عمرني حضرت لشي ماتش فالتيران الا لماتش المغرب ولكن واياكم من الغرور ونقطة ضعف الصبليون حارسهم

كود الدوحة ///

الحارس الشهير المصري عصام الحضري دابا محلل مع قناة “الكاس” القطرية. تلاقاتو “كود” خارج سطاد المدينة التعليمية فقطر قبل ماتش ثمن نهاية كأس العالم بين المغرب والصبليون اللي غادي يتلعب من هنا لساعة. هادا اول ماتش كيحضر ليه للتيران. تلعبات 54 ماتش وهادا 55.

الحضري قال ل”كود” باللي المنتخب المغربي ما خاصوش يتغر وبللي ايلى دخل مغرور راه غادي يتصدم بزاف. واعتابر ان اسبانيا منتخب كبير وخاص الاحتياط منو بزاف بزاف وباللي وجه المجموعات ماشي هو وجهو الحقيقي

الحضري قال ل”كود” باللي كانت عاجباه العقلية المغربية قبل ماتش كرواتيا وبلجيكا وباللي تغيرات مع ماتش كندا وباللي خاصها تتغير فهاد الماتش. 

الحارس الشهير قال ل”كود” بللي الاسود قادرين يربحو ايلى استغلو نقطة ضعف المنتخب الاسباني الكبيرة وهي حارس المرمى اينيايي سيمون. استغرب الحضري استبعاد دي خيا من حراسة لاروخا. الحضري قال ل”كود” باللي ثلاثة لگوال تماركاو على اسبانيا بسباب خطأ هاد الحارس وطلب الاسود يركزو عليها

موضوعات أخرى

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب

28/01/2023 20:30

من بعد البرلمان الاوروبي. احزاب فبرلمان إقليم الباسك غادي تطلق مبادرة كتطالب فيها المغرب باحترام حرية التعبير والإعلام