كريم الشركي – كود //

شدات عناصر جوندارم الدراركَة بأكادير البارح الإثنين 31 يناير 2022، عصابة “كليو 4” اللي روعات سكان المنطقة، وكانت كتستعمل طوموبيل من نوع “Renault Clio 4” اللي كانو كيكريوها أفراد هاد العصابة باش يشفرو المواطنين.

و قالت مصادر محلية،  أن الجوندارم بعدما وصلاتهوم شكاية من ضحايا هاد العصابة، قدرات بعد تحقيقاتها تعرف شكون هو زعيم هاد العصابة وشريكيه.

وبعدما عرفوه فين كاين مشاو يشدوه ووقعات مواجهة بينو وبين الجوندارم، وقدرو فالنهاية يعتاقلوه.