گود سبور//

كشفت وكالة الأنباء الطاليانية، أن الدولي المغربي نايل العيناوي لاعب روما الطالياني وولد أسطورة التنس المغربي يونس العيناوي، تگريسا هو وعائلتو فالطاليان.

وقال نفس المصدر إن عصابة مكونة من 6 ديال الأشخاص، دخلو لدار نايل العيناوي اليوم الثلاثاء مع 3 الصباح فروما فالطاليان، واحتجزوه هو وعائلتو فشي شومبر، لسرقتهم.

ووضح نفس المصدر أن العصابة كانو مسلحين بفردي، ولابسين الكحل ومغطيين وجوههم، وقدرو يهرسو الزاج ديال شي شومبر وشدو نايل العيناوي فشومبر مع مو وصديقتو وخوه وصديقة خوه.

وخونات العصابة من الدار ديال العيناوي مجوهرات بقيمة تقاريبا 10 آلاف أورو، ومن بينها ساعة رولكس صيكان ديال اليد غاليين، وراه البوليس وصلو وبداو التحقيق فالحادث.