كود سبور//

تعرض أسطورة كرة القدم الإيطالية والعالمية روبرتو باجيو للاعتداء والسرقة هو والعائلة ديالو، من طرف شي عصابة ملي كانوا كايتفرجوا فماتش الطاليان والصبليون البارح الخميس.

وقالت جريدة لاگازيتا ديلاسبورت الطاليانية، إن روبرتو باجيو تعرض للضرب والسرقة فالفيلا ديالو هو وعائلتو ملي كانوا كيتفرجو فماتش الطاليان والصبليون فالتلفازة، وأن 5 ديال الأشخاص مسلحين دخلو عليهم للدار، والضاربو مع باجيو.

ووضح نفس المصدر، أن باجيو توعت ملي كان كايدافع على عائلتو، والعصابة شدوه هو وياهم وحبسوهم وگريساوهم، وشفرو لهم گاع داكشي اللي ساوي الفلوس بحال المجوهرات والساعات، ومن وراها قدر باجيو يفك راسو وعيط للبوليس اللي جاو عندهم وفتحو تحقيق فالحادث.