كود كازا ///

يتوقع ان يقدم اليوم المتهمين بالابتزاز باسم الصحافة حاتم حجي للي عندو موقع اسمو “لونكيط” والقاسمي اللي عندو “علاش تيفي” واخرين. وفق مصدر “كود”فمن بين هادو كاين كوميسير كان فالفرقة الوطنية وتعاقب ولكن بقى فالبوليس.

القضية اللي بدات الثلاث اللي فات بعد شكاية تقدم بها ملياردير اسمو الطرمباطي احمد يتهم فيها هادو بالابتزاز. بعد كمين لقى البوليس مبلغ عشرة المليون فطونوبيلة واحد. هنا بدات الاعتقالات. حجي اللي كان بان مع القاسمي ففيديو ولد الكرية الرابور اللي شارك ف”عاش الشعب” وبغاو يرشيوه ويعطيوه منصب مراسل صحافي كاع٬ باش تشد كان معاه محامي. هاد المحامي تجبد اسمو فالتحقيقات بالاضافة الى قضاة.

جريدة الصباح” هدرات على اكثر من 70 رجل اعمال تعرض للابتزاز وعطاهم لفلوس باش ما ينشروش عليه لكذوب والاتهامات فالغالب.

وفق مصدر “كود” البارح فالعشية كانت المواجهات بين رجال الاعمال وبين القاسمي وحجي واخرين. القضية ما بقاتش غير بين 4 رجال اعمال. البارح سمعو لناس كثار منهم طاشرون اسمو الفايد. قال باللي عطاهم عشرة المليون باش يحيدو واحد الفيديو كانو داروه عليه.

كما علمت “كود” باللي مالك مانهاتن اللبناني البير سمعو ليه وجاب معاه جوج حراس كان كيقول ليهم حجي باللي راه “كوميسير فالديستي” وياكل ويشرب فابور

القضية اكثر من مجرد صحافيين حتى سمياتهم ما كيعرفوشها باقي الصحافيين المهنيين. بل تورطو فيها قضاة. دارو بيهم حروب داخلية كبيرة. كنقولو عليهم صحافيين حقاش عندهم بطاقة الصحافة. باش يتحاكمو تمشي ليهم هاد الصفة.

شكايات كثيرة كانت ضدهم ومع ذلك واصلو الابتزاز ما تسوقو لحد.
مانهاتن
قال ليهم كوميسير فالديستي