كود – كازا ///
قالت جريدة “إل اسبانيول”، أن عصابات إجرامية جزائرية نشرات الرعب فحي سيوتات فيلا واللي خلات الجالية المغربية كتحس بالتهديد وعدم الأمن وطلبات حماية البوليس بسبب انعدام الأمن ف شوارع برشلونة، خاصة المغاربة اللي ساكنين وعندهم أعمال تجارية فهاذيك المنطقة.
وأضاف المصدر ذاته، أن هاد الحي كيعرف مشاهد عنيفة لعمليات سطو ف وضح النهار أو اشتباكات بين العصابات المنافسة اللي غالبيتها جزائرية واللي كتحاول السيطرة على الشوارع وأن هاد المشكلة نشأت هادي سنوات ف أحياء بحال الرافال أو لا برشلونيتا.
وأجمعت جميع مصادر الشرطة اللي تم التشاور معها، أن الكومونيتي ديال الجزائريين هو الأخطر والأكثر عدوانية وأقل خوف بسباب الفلوس اللي كياخذو واللي كتحفزهم على الإجرام وكتخليهم يتصرفو دون خوف من العواقب”، وتقول المصادر: “ما كيخافوش يمشيو الحبس حيت مدعومين من العصابات اللي تابعين ليها”.. .
