كود – كازا ///

قالت تقارير إخبارية، إن شاب مغربي كيبلغ من العمر 22 عام وكيدوز عقوبة حبسية ف سجن بيبربرغ ف كانتون شفيتس مات، نهار الأحد الفايت.

وحسب المصادر ذاتها، تم العثور على الضحية ف حالة حرجة ف الزنزانة ديالو وواخا تقدمات ليه علاجات ف البلاصة مات، حسب  بيان صادر عن شرطة كانتون شفيتس.

وتم فتح تحقيق من طرف البوليس بسباب وجود شبهة جنائية، وذلك ف انتظار تقرير معهد الطب الشرعي بجامعة زيورخ من أجل تحديد الأسباب الحقيقية لوفاة النزيل المغربي.