أسماء غربي ـ كود//
في الآفتر بارتي البارح بعدما سالا مهرجان السينما في مراكش، كانت نايضة، ولادوز ديال النشاط كانت طالعة.
عشران لمجرد وعديانو تلاقاو فبواط وحدة، وعصام وشمة ومراتو كانو فرحانين وناشطين مع صحابهم، وكل مرة كانو كيطلبو من ديدجي يدير ليهم أغاني ديال سعد لمجرد لي خرج من الحبس الأربعاء لي داز، باش يحتافلو به.
النشاط ديال وشمة معجبش شي وحدين ممعروفينش، ومعندهمش مع لمجرد، وهوما مع اعتقالو والمحاسبة ديالو على الفعايل لي داير أو ربما مدايرش.
المهم، النشاط بقى حتال الفجر، ولولا تدخل شي وحدين، كون قلبوها صباط.
