كود///

الكونكور ديال التوظيف بالضمان الاجتماعي برسم 2016  نوض الروينة. الإدارة العامة بشارع محمد الخامس ديال لاسينيسيس تلقات مجموعة من الشكايات من المترشحين، كيقولو أنهم كيستاهلو يدوزو في عميلة الانتقاء وعندهم نقط أحسن من الناس لي عزلوهم.

عملية الانتقاء وإرسال الطلبات يوضح مصدر “كود”، كانت عبر الموقع :

cnss.lycom.ma

هاد الموقع تبلونطا ومبقاش خدام مباشرة ساعات قبل خروج نتائج الانتقاء ثم رجع للخدمة من بعد، وكاينين في المترشحين لي كيدخل للموقع كيلقا وضعية الترشيح ديالو تحت الدراسة، بينما لائحة الانتقاء خرجات وعباد الله توصلوا بالاستدعاء ديالهم ومشاو يدوزو، هادشي كيطرح العديد من التساؤلات حول عملية المعايير التي تم بها الانتقاء وعلاش متحينش موقع تلقي الترشيحات وعلم عباد الله بالوضعية ديالهم.