وكالات//

عشاق كثار ديال الممثل العالمي هاريسون فورد، مخلوعين ومقلقين بزاف على الحالة الصحية ديالو.

هادشي كيجي بسباب الظهور ديالو الاخير في الشهر لي فات ف معرض ديزني دي 23 Disney’s D23 Expo  ولي كرموه وعطاوه جائزة واعرة بزاف، تكريما للمسار الفني الكبير ديالو.

https://www.instagram.com/reel/C-8I6WmAJ6l/?igsh=MTV1bnlmNTBvcDFxNw==

فهاد الحفل ديال التكريم، دار هاريسون فورد البصمات ديال يديه فواحد اللوحة بالسيما، ولاحظو الناس أنه مقادرش يسني فيها.

وحتى الملامح ديالو وطريقة الوقوف والهضرة ديالو خلات بزاف ديال الناس خافو من أن نجم “هوليود” يكون كيعاني من شي مرض، وأن الصحة ديالو ماشي هي هاديك.