وكالات//
حكمات محكمة عسكرية إسرائيلية الأربعاء على واحد العسكري بـ10 أيام ديال الحبس، بعدما قدرات المخابرات ديال إيران تطيحو ف الفخ ديالها.
الفخ لي دارت ليه المخابرات ديال إيران، هي أنها سيفطات ليه واحد البنت مزورة على فيسبوك وكتصيفط ليه ف التصاور الواعرين.
ومن تم طاح في الفخ ديالها وتزعط فيها، بدات كتطلب منو يصيفط ليها التصاور دالقبة الحديدية والسلاح ديال الجيش الإسرائيلي.
على حساب ماقالت القناة 10 الإسرائيلية، هاد العسكري لي تربط فهاد البنت بدا كيصيفط ليها البطاريات ديال القبة الحديدة فكل مرة كيسافر فيها مع الجيش.
وماعاق حتى بلوكاتو، ومللي دخلات المخابرات ديال إسرائيل على الخط لقاو بأن الكونط لي كان كيهضر معاه دارتو المخابرات ديال إيران.
