كود سبور//

برا الدولي المغربي عز دين أوناحي لاعب أولمبيك مارسيليا من الإصابة اللي عندو، ومن المنتظر يكون مع الفريق الماتش الجاي ضد ستراسبورك فالبطولة الفرنسية.

ورجع عز الدين أوناحي لتداريب أولمبيك مارسليا اليوم الاربعاء، وتدرب مع لكروب هاد الصباح بشكل عادي، بعدما غاب على الفريق من الأيام الأخيرة ديال أكتوبر الماضي، حيث كان توعت بعدما طاح على ظهرو فالدار.

ومن المنتظر يسافر عز الدين أوناحي مع أولمبيك مارسليا لمواجهة ستراسبورك الويكاند الجاي، في انتظار قرار المدرب كاتوزور واشي غيقدر يديرو فلاليست ديال الفريق او لا.

وكان عز الدين أوناحي غاب على المنتخب الوطني المغربي ضد تنزانيا فماتش البارح الثلاثاء، ضمن الجولة الثانية من إقصائيات كأس العالم 2026، بسبب الإصابة وعيط الناخب الوطني وليد الركراكي على بنجامين بوشواري بلاصتو.