عثمان الشرقي – كود//

الناشط الحقوقي عزيز غالي دار تصريح شكر فيه تركيا وتونس، ولكن ما دكرش حتى كلمة على المغرب اللي دخل وتوسط باش يطلقوه، على حساب مصادر مختلفة.

وقال غالي فتصريحو من تركيا، باللي الحبس اللي كان فيه تقريبًا عشرة آلاف معتاقل، منهم ربعمية طفل، وزاد وقال باللي حتى مروان البرغوثي ما زال تماك فالحبس.

عزيز غالي كان من الناس اللي شاركو فـ “أسطول الصمود” اللي كان غادي لغزة، ولكن السلطات الإسرائيلية شدّاتو هو وعدد من النشطاء اللي معاه.

هاد التصريح ديالو خلا بزاف ديال الناس فالمغرب يستغربو، حيت المغرب هو اللي كان، حسب بزاف ديال التقارير، السبب فـ إطلاق سراحو باش يرجع لبلادو سالم.