گود كازا//
حضرو عدد من الشخصيات النهار الاول من المناظرة الوطنية حول الإشهار، اليوم الاربعاء 8 اكتوبر 2025 بالدار البيضاء، واخا شي وحدين منهم ما عندهم علاقة بالموضوع.
ومن الحاضرين لهاد الحدث واللي ما عندهم علاقة به، هشام ايت منة رئيس الوداد الرياضي اللي النادي الأحمر غرق معه فـ التسيير العشوائي وخرج معه بزيرو لقب الموسم الماضي والجماهير الودادية غاضبة عليه، وفـ نفس الوقت ساكنة المحمدية كاعيين عليه بسبب وضعية المدينة اللي ولات كارثية وهو رئيس الجماعة، وراه برلماني عن التجمع الوطني للأحرار.
هاد ايت منة ما عندو علاقة بالاشهار لا من قريب ولا من بعيد. شافتو “كود” همو الاول يقرب من وزير الشباب والثقافة والاتصال محمد مهدي بنسعيد. بقى لاصقو وداه على جنب وكيهدر باللي كيدافع عليه. مناش؟ ما عرفناش.
ايت منة كيسوق ديما باللي بنسعيد محمي. منين؟ هو اللي عارف. دابا حنا كنعرفو باللي معري وباللي عندو مسؤولية فهاد الاحتجاجات ديال جيل زد” اللي بدات من بلات فورم مخصصة للهايمين للي مصدع لينا راسنا بيه.