الرئيسية > كود-تيفي > عزيز أخنوش دخل لعالم “انستكرام” باش يقرب من الشباب ويبارطاجي معاهم حياتو اليومية -فيديو
06/11/2019 09:00 كود-تيفي

عزيز أخنوش دخل لعالم “انستكرام” باش يقرب من الشباب ويبارطاجي معاهم حياتو اليومية -فيديو

عزيز أخنوش دخل لعالم “انستكرام” باش يقرب من الشباب ويبارطاجي معاهم حياتو اليومية -فيديو

نجوى المالحي-كود//

وزير الفلاحة والصيد البحري والتنمية القروية والمياه والغابات عزيز أخنوش قرر يدخل لعالم “انستكرام” لي فيه بزاف ديال الشباب ومختلف كليا على فايسبوك.

أخنوش دار البارح أول فيديو في صفحتو على انستكرام، وكشف فيه أنه كان في بني ملال وازيلال ومراكش وتلاقا مع بزاف ديال ناس، وقال أنه دار فيديو باش يكمل الحوار مع المواطنين خصوصا الشباب.

وكتب أخنوش على الفيديو الأول ديالو “السلام عليكم، أزول، هذا أول فيديو ليا في إنستغرام. درت هاد الكونت باش نتواصل معاكم نتوما الشباب، نتعرف أكثر على الانتظارات ديالكم ونبارطاجي معاكم جوانب من الحياة اليومية ديالي. هدي تجربة جديدة بالنسبة ليا. كنتمنى أنكم ترحبو بيا فهاد الفضاء لي هو ديالكم، و ماتبخلوش عليا بتعليقاتكم وآراءكم”.

وفي 6 ديال السوايع وصل عدد المتابعين لـ 3700 شخص، والتفاعل مع الفيديو كان كبير، و400 واحد كتبو ليه تعاليق وأسئلة.

موضوعات أخرى

12/07/2020 17:30

كورنا فهاد 24 ساعة: 203 تصابو و218 تشافاو و5 ماتو..الطوطال: 15745 حالة منها 250 توفاو و12283 تعافاو واليوم الحصيلة ثقيلة بجهة طنجة