كود سبور//

ما قدرتش المغربية عزيزة العمراني تحافظ على لقبها بطلة لماراطون الرمال فالنسخة ديالو 38، بعدما احتلت المركز الثاني فالنسخة الـ39 من الماراطون الأسطوري، الذي تلعب لمدة 6 أيام فالصحراء المغربية.

وجات عزيزة العمراني فالمركز الثاني ورا الفرنسية ماريلين نكاش، اللي سيطرت على سباق الماراطون الخاص بالعيالات من البداية إلى النهاية.

وبعدما قنعت بالمركز الثاني فالمراحل الخمس السابقة، قدرت عزيزة العمراني تربح المركز الأول فالمرحلة الختامية من ماراطون الرمال الأسطوري الـ39، اللي تلعب أطوارها اليوم السبت، بتوقيت قدره ساعة و51 دقيقة و14 ثانية.

ودخلت ماريلين نكاش فالمركز الثاني من هذه المرحلة، بزمن قدره ساعة و43 دقيقة و15 ثانية، متقدمة على اليابانية تومومي بيتو التي حلت في المركز الثالث (ساعتان و8 دقائق و29 ثانية).

وبحسب التصنيف العام، جات ماريلين نكاش  فالمركز الأول بتوقيت إجمالي يقدر بـ 23 ساعة و57 دقيقة و20 ثانية، ومن وراها عزيزة العمراني فالمركز الثاني بزمن 25 ساعة و26 دقيقة و23 ثانية، والجابونية تومومي بيتو فالمركز الثالث بتوقيت إجمالي قدره 29 ساعة و38 دقيقة و25 ثانية.