كود سبور ////

فوزي لقجع رئيس الجامعة الملكية المغربية لكرة القدم زار نادي الوداد البيضاوي بعد ما عطاتهم الجامعة مركب محمد السادس لكرة القدم فالرباط باش يوجدو لمونديال الاندية بامريكا.

زارهم باش يموتيڤيهم. يدعمهم. يعاونهم. راه الواك هي ممثل المغرب واحد ممثلي افريقيا فهاد العرس الكروي لكبير. غير فالصورة ختار فوزي يكون بين اللعابة. فيها كيبان الرئيس ديال الوداد هشام ايت منة اللي ما جاب للحمرا حتى شي نتيجة هاد العام، مصور فالصفوف اللخرة.

اللي كيعرف ايت منة وحرصو الدائم على الصفوف الاولى وكيشوفو فهاد الصورة كيبان باللي كاينة شي حاجة ماشي هي بين رئيس الجامعة ورئيس الوداد اللي كان فالمحمدية وغرقها والوداديين خايفين يدير مع الحمرا نفس الشي.

مزيان ان ايت منة عرف حجمو ورجع للور. المهم الصورة معبرة بزاف.

الجامعة كتدعم نادي كبير بجمهور عظيم ماشي اللي عندو مطامح شخصية وكيهمو غير راسو.