وكالات//

تحول عرس في المكسيك إلى ’’كارثة صحية‘‘ من بعد حالات تسمم جماعية جات العشرات من المعروضين بعدما تعشاو.

وأفادت وسائل إعلام مكسيكية، أن 80 شخصاً من أصل 100 تهزوا للسبيطار، بعدما حسو بآلام فالمعدة بعد الماكلة.

وعلى حساب ماقال الجورنال ديال “بروسيسو” المكسيكي، فالقصة وقعات السبت مللي بدا العرس مع الربعة، ومباشرة بعدما حطو العشا والناس كلات كلشي بدا كيتوجع.

وما هي إلا دقايق قليلة تحول الشطيح والرديح للتقيا والدوخة، والأغلبية سخف، قبل مايجيو بزاف ديال لومبيلونصات للقاعة ديال العرس.

من بعد تبين أن أغلب الضيوف، لي هوما تقريبا 80 واحد تعرضو لتسمم من الماكلة لي تحطات ليهم، ودابا البوليس دخلو على الخط باش يحلو أونكيط.