وكالات//

فواحد الواقعة غريبة بزاف، واحد “الطبيب” عراقي دار عشرات العمليات ديال التجميل لبزاف ديال العيالات فمدينة أربيل العراقية، واخا هو معندو حتى شي شهادة ديال الطب وعمرو كاع ماقرا الطب.

البوليس ديال أربيل علن في البيان ديالو انه شد هاد الطبيب وقال ان التحقيقات انه خدام بشهادة مزورة وعمرو نهائيا ما قرا الطب.

الغريب في القصة ولي جات ف البيان ديال البوليس، هو أن عدد كبير ديال العيالات لي دار ليهم العمليات كيعتارفو بأن العمليات لي دار ليهم كانت ناجحة.

ولي زايد غرابة في القصة، أن الاعتقال ديالو مكنش بسباب شي شكاية من شي مريضة ولكن غير واحد اللجنة ديال التفتيش كانت كتدور وهي تلقاه بالصدفة.