الرئيسية > تبركيك > عراسية لملايرية زمن الجايحة. الجدارمية ستامعو للنساب الجداد بلخضرا مول اتاي والطاشرون العلام وتدخلات كبيرة خلاتهم يكملو فخرق لحالة الطوارئ الصحية
25/09/2020 20:00 تبركيك

عراسية لملايرية زمن الجايحة. الجدارمية ستامعو للنساب الجداد بلخضرا مول اتاي والطاشرون العلام وتدخلات كبيرة خلاتهم يكملو فخرق لحالة الطوارئ الصحية

عراسية لملايرية زمن الجايحة. الجدارمية ستامعو للنساب الجداد بلخضرا مول اتاي والطاشرون العلام وتدخلات كبيرة خلاتهم يكملو فخرق لحالة الطوارئ الصحية

كود هناء ابو علي ///

هادي شي دقايق علمات “كود” باللي جدارمية بوسكورة طلقات جوج ملايرية هما مول اتاي بلخضرا والطاشرون العلام والطريطور وشي وحدين خراين بامر من قضائي طبعا. اطلاقهم جا بعد ما ستامعو عليهم على عراسية داروها البارح.

وفق مصادر “كود” فهاد الملايرية دارو عراسية البارح و”كود” عندها فيديوات على هاد العراسية اللي تناسب فيها مول اتاي =العروس= مع الطاشرون =العريس=.

المشكلة انو البارح مشات السلطات باش تشوف واش هادو محتارمين حالة الطوارئ والعدد القليل من الحضور كيف كتنص عليه اخر دورية للحكومة٬ غير هو وقع شي تدخل ديال مسؤول قضائي وكملات العراسية تضيف مصادر “كود”.

دابا خاص الرئيس المفتشية العامة للسلطة القضائية تفتح تحقيق تشوف واش كان شي تدخل ولا غير ادعاءات طلقوها صحاب العرس.

العرس كان فيه اكثر بكثير من العدد المسموح بيه. التصاور اللي خرجو مع الفيديو كيبين هاد الشي وحضروه شي مسؤولين.

لفضيحة لكبيرة ديال هاد لملايرية هو تحديهم للقانون. سبق اعتقال وحدين خراين دارو عراسات فبلايص اخرى. يمكن حقاش كانو من شعيبة. دابا هاد الطاشرون وهاد مول اتاي ما جاه الحفل وبهاد العدد غير دابا. راه غير الدقايقية بوحدهم يفوتو العدد المسموح بيه واكثر من هادا لا كمايم لا تباعد.

عراسية ما مسوقاش لحالة الطوارئ بين جوج ملايرية: مول اتاي بلخضرا والطاشرون العلام

Publiée par Goud.ma sur Vendredi 25 septembre 2020

موضوعات أخرى

23/10/2020 10:00

جهاز القوات المساعدة.. تعيين الجنرال دو ديفيزيون جبران مفتشا عاما بالمنطقة الشمالية خلفا للجنرال مستور وها شكون تدار فالمنطقة الجنوبية