كود كازا ///

كشف حميد عدو، الرئيس المدير العام للخطوط الملكية المغربية البارح الاثنين 23 اكتوبر 2023 عن ما سماه “محتوى ومضامين الرؤية الاستراتيجية للشركة” وذلك بمستودع الطائرات التاريخي بمطار الدار البيضاء انفا سابقا اللي فالمقر المركزي ل”لارام”. هاد الرؤية الاستراتيجية هدفها  “مضاعفة أسطولها وشبكتها الدولية، والتطوير السريع للخطوط الجوية المباشرة من نقطة لنقطة، مع إحداث تغيير جذري على شبكتها المحلية”

حدد عدو تواريخ ليها فمثلا ف2037 غادي ترتقي لارام باش تولي “ناقل شمولي وعالمي” يضع نفسه في خدمة كافة أصناف الزبناء و يعمل على ربطهم بالقارات الخمس بحلول العام 2037.

فهاد اللقاء اللي حضروه مدراء لارام السابقين: برادة وحصاد وبنهيمة٬ تم الكشف عن المضمون الجديد لعلامة لارام #DreamAfrica #MeetMoroccoوقال عدو ان الشركة بهاد العلامة الجديدة كتعزز مكتسبات “لارام” بسماء وأرض إفريقيا كأول مرحلة من خارطة الطريق التي اعتمدتها الشركة، وباللي التوقيع المؤسساتي الجديد غيساهم فتأكيد وتعزيز مكانتها كشركة رائدة بالقارة الإفريقية. كما يمكن الشركة الوطنية من التعبير عن ثقتها بالطاقات الإفريقية والتزامها بالمهمة المنوطة بالمغرب كحليف استراتيجي للمخططات القطاعية الوطنية”.  
 
هدر المدير العام جبد الماضي وتحديات كبيرة عاشتها الشركة بحال تبعات “كوفيد” وجبد المستقبل. ماشي البعيد ديال 2037 اللي غادي يكون عند لارام اسطول من 200 طيارة بل عن 2030 وكيفاش كتوجد تكون فالحدث ديال تنظيم المونديال مع اسبانيا والترتغال وقبلها تنظيم كأس افريقيا للامم 2025