وكالات//
خطف نجم هوليود الميريكاني جورج كلوني، ومراتو أمل كلوني الأضواء في فرنسا، وهوما كيمشيو في الشوارع ديال مدينة في الجنوب ديال البلاد.
وبارطاجاو بزاف ديال الناس، تصاور ديال هاد الثنائي المشهور وهوما ناشطين وكيتمشاو في منطقة سان تروبيه وغادين يتعشاو في مطعم “لو كافيه سان تروبيه” في ساحة “ليسيس”.
وبعد 2 ديال السيمانات بعدما شدوهوم وهوما كياكلو في ماكدونالدز بمدينة بريغنول، تصور كلوني ومراتو هاد المرة بواسطة عدسات وكالة “باكغريد” الأمريكية للباباراتزي.
كلوني ومراتو، مكيضوروش هنا غير بالصدفة، ولكن حينت شراو واحد الفيرمة ديال الكروم قريبة من بريغنول عام 2021، وكيبينو على الارتباط ديالهم الواضح بالمنطقة.