الرئيسية > آراء > عدد لاعبي كرة القدم في العالم راه واصل ل250 مليون لاعب وطبعا ماشي كلهم بحال ميسي ورونالدو واخا كيمارسوا نفس الرياضة، كذلك السينما راه صناعة خدامين فيها الملايين ولكن ماشي كلهم دافيد لين أو بارك شان ووك بالنسبية ليا فركوس لا يقل أهمية في السينما العالمية على مخرجين عظماء بحال كين لوتش أو مايك ليغ أو بيدرو ألمودوفار
29/11/2023 21:00 آراء

عدد لاعبي كرة القدم في العالم راه واصل ل250 مليون لاعب وطبعا ماشي كلهم بحال ميسي ورونالدو واخا كيمارسوا نفس الرياضة، كذلك السينما راه صناعة خدامين فيها الملايين ولكن ماشي كلهم دافيد لين أو بارك شان ووك بالنسبية ليا فركوس لا يقل أهمية في السينما العالمية على مخرجين عظماء بحال كين لوتش أو مايك ليغ أو بيدرو ألمودوفار

عدد لاعبي كرة القدم في العالم راه واصل ل250 مليون لاعب وطبعا ماشي كلهم بحال ميسي ورونالدو واخا كيمارسوا نفس الرياضة، كذلك السينما راه صناعة خدامين فيها الملايين ولكن ماشي كلهم دافيد لين أو بارك شان ووك بالنسبية ليا فركوس لا يقل أهمية في السينما العالمية على مخرجين عظماء بحال كين لوتش أو مايك ليغ أو بيدرو ألمودوفار

محمد سقراط-كود///

كاين واحد الهجوم غير مبرر على تصريح فركوس في مهرجان مراكش للفيلم، الفنان عطى تصريح عقلاني وصريح وبلغة سلسة وزوينة وكيتافق معاه كولشي فاش قال المغاربة كيبغيو بلادهم وملكهم والله يعاون، لي بغا يدوي على شي حاجة راه مواقع التواصل ويهلل مع راسو لاش غادي تحتاج واحد آخر تمضغ التومة بفمو، ناضو المتثاقفين كيسبوا فيه واستكثروا عليه الحضور أصلا لمهرجان مراكش للسينما، بينما في الواقع راه أكثر واحد يستحق حضور داك المهرجان كل سنة هو فركوس، لأنه سينمائي حقيقي وتدرج في السينما حتى وصل للإخراج وماجاش وتلاح عليه غير هكاك بجوج أفلام قصيرة أو واليديه عندهم الفلوس سقريوه في مدرسة السينما وقال أنا مخرج، بالنسبية ليا فركوس لا يقل أهمية في السينما العالمية على مخرجين عظماء بحال كين لوتش أو مايك ليغ أو بيدرو ألمودوفار، تقريبا المخرج المغربي الوحيد لي كيدير أفلام واقعية وشخصياتو هي لي يمكن تلاقى في حومتك أو عائلتك.

حنا شعب متوسطي ثرثار شبعان هدرة مكيسكتش، بينما المخرجين المغاربة الفرانكوفونيين كيتخايلونا سويديين وكيديرو أفلام مغربية شبه صامتة هدرتها قليلة وعامرة تأمل وفراغ ولقطات تقيلة وطويلة بلا ماتكون عندهم الحرفة والفنية ديال كيم كي دوك، فركوس كيخرج أفلام كتشبه لينا عامرة هدرة ومواقف عبثية وعلى الأقل عندها بداية ونهانية وقصة واضحة، كيدير سينما بسيطة بشخوص من الواقع بحال السينما لي كيديرو الكبار، محتاج كاميرة وممثلين وشوية ديال الفلوس ويخرجليك فيلم يبعشش في السينمات المغربية، شنو لي فيه ناقص هاد السيد باش يتعرض لهاد الهجوم كامل، موشكلة فركوس بحال أي مغربي أسمر آخر قدر ينجح في هاد البلاد ويقطع لراسو طرف من الحلوة لي كياكلوها غير ولاد العائلات الكبار، حيت فركوس كون كان شي ولد لفشوش كبرلا وقرى برا مكيعرف الدارجة كاع وعطى نفس التصريح بالفرنسية مكان غادي يتسوق ليه تاواحد، كان خاص يفهموه أولا عاد يهتموا لتصريحو، ولكن حيت فركوس هدر مع شعيبة بلوغتهم ناضوا يتطاولو عليه.

عدد لاعبي كرة القدم في العالم راه واصل ل250 مليون لاعب وطبعا ماشي كلهم بحال ميسي ورونالدو واخا كيمارسوا نفس الرياضة، كذلك السينما راه صناعة خدامين فيها الملايين ولكن ماشي كلهم تاركوفسكي أو بارك شان ووك، وماشي كلهم خاص يكونوا بيلا تار باش يتسماو مخرجين، أي واحد كيوقف من ورا الكاميرة ويدير عملية صناعة الفيلم راه مخرج أو صانع أفلام، واخا راه عبدذ الله فركوس يدخل في خانة الكبار والعظماء إلا في المغرب كل حاجة باغين يردوها عندها قدسية خاصة المخرج خاص يكون عندو رسالة ويكون مفكر كبير وعندو أراء سياسية وإجتماعية ويكون خليط بين جوردان بيترسون وتميم البرغوثي، وكذلك الأستاذ والطبيب والصحفي ومهن أخرى كثيرة كيحملوها المغاربة مالا طاقة لها به، ويرمون عليها قدسية إبتدعوها ما أنزل الله بيها من سلطان، هادو راهم مهن كياكل بيها الواحد طرف ديال الخبز وصافي لاش خاصو يبقى يفتي في أي حاجة.

موضوعات أخرى

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 18:20

البنك الدولي: النمو الاقتصادي فالمغرب تحسن وتوقع يرتفع لـ3,5 فالمية والتضخم غاد يتراجع وها شنو خاص يدير بنك المغرب

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي