الرئيسية > آراء > عدد المعتقلين بسباب كورونا غادي موازي مع عدد المصابين بيها، الدولة محيلتها توجد السبيطارات والأجهزة والفروشة وأدوات الحماية للطاقم الطبي ولرجال السلطة لي فالشارع، ماحيلتها تقابل هاد صحاب الأراء في المواقع الإجتماعية
04/04/2020 15:00 آراء

عدد المعتقلين بسباب كورونا غادي موازي مع عدد المصابين بيها، الدولة محيلتها توجد السبيطارات والأجهزة والفروشة وأدوات الحماية للطاقم الطبي ولرجال السلطة لي فالشارع، ماحيلتها تقابل هاد صحاب الأراء في المواقع الإجتماعية

عدد المعتقلين بسباب كورونا غادي موازي مع عدد المصابين بيها، الدولة محيلتها توجد السبيطارات والأجهزة والفروشة وأدوات الحماية للطاقم الطبي ولرجال السلطة لي فالشارع، ماحيلتها تقابل هاد صحاب الأراء في المواقع الإجتماعية

محمد سقراط-كود///

الرأي بحال التقبة ديال الترمة كولشي عندو” كلينت ايستوود في فيلم هاري المقود، أي واحد عندو رأي كاين لي محتافظ بيه لراسو كاين لي كيتشاركو مع الناس لي قراب ليه، وكاين لي كيدخل بيه طرف ديال الخبز، وكاين لي مسيفطو للحبس، مواقع التواصل الإجتماعية هي الجوطية ديال الآراء لي عندو شي رأي راه حاطو وسامر، في أزمنة الإستقرار وكلها ملهي فراسو والحركة دايرة مكيكونش رأي الواحد مهم بزاف، بل فقط شي حاجة من أجل التسلية وتضياع الوقت وهريد الناب، ولكن في أزمنة الكوارث والمصائب الكحلة خاص الواحد يعرف شنو كيخرج من فمو، وللأسف هادشي لي ماواقعش في المغرب.

عدد المعتقلين بسباب كورونا غادي موازي مع عدد المصابين بيها، الدولة محيلتها توجد السبيطارات والأجهزة والفروشة وأدوات الحماية للطاقم الطبي ولرجال السلطة لي فالشارع، ماحيلتها تقابل هاد صحاب الأراء في المواقع الإجتماعية وتبقى تابعة فيديواتهم وشنو كيسيفطو فواتساب والإشاعات لي كيخرجوا، وواخا من بداية هاد كورونا المغاربة شافو كيفاش مشاو مؤثرين للحبس غير بسباب كلاخهم ومع ذلك زايدين فيه، وكيعاودو نفس الأخطاء مكاينش حتى الإبداع أو التطوير، نفس الحفرة في نفس الطريق كولشي طيدوز منها ويطيح فيها، وفاللخر كيقلبوها بكى وبغينا سيدنا يشوف من حالنا.

الحرب لي واخدها المغرب والعالم حاليا على كورونا راه جزء كبير منها هو حرب على الإشاعات والمحتوى لي كيدعي للعنف والكلخ وكيشكك في هاد الفيروس، وكيف ماخاص الصرامة في التصدي لهاد الفيروس واحترام القرارات لي تاخدات الدولة، خاص أيضا صرامة في ردع وزجر أي واحد فتح علينا القادوس ديالو وقال هدرة لي تدير الفتنة وتضرب مجهودات الدولة فالزيرو فهاد الظرفية، وخاص المغاربة يفيقو ويعرفو بلي كاع دوك الشخصيات لي كانو متابعينها ونافخين فيها راه غير المصمكين ماقدروش حتى يسدو فمهم فهاد الجايحة وهاهوما دبرو عليها، لذا واخا أن الرأي بحال التقبة ديال الترمة كولشي عندو إلا انه من الاحسن تسدها راسك حسن مايسدهاليك المخزن.

موضوعات أخرى

03/06/2020 14:00

فتوضيحها لحقيقة كومونطير “الله ينعلو ويخزيه”.. بوشكيوة لـ”كود”: أنا تكلمت على الشيطان.. والسيد اللي هضر معايا موديفيا التعليق عن قصد.. وأنا ماسبيتش محمد

03/06/2020 12:30

ربورتاج بالصور. ها كيفاش الحياة شبه عادية بدات ترجع فالمغرب: مطاعم متنقلة والاقتصاد كيقلب على جرعة “أنسولين” وسط إجراءات ناجعة

03/06/2020 12:00

حزب بوكس فمليلية كيطالب السلطات تمنع المهاجرين المغاربة يدوزو فعملية مرحبا فالصيف.. كيوسخو وكيضيقو عليهم الدنيا – فيديو