كود: جمال العبيد///

طرائف تصحيح مواضيع امتحانات البكالوريا بدات كتخرخ إلى مواقع التواصل الإجتماعي تماما بحال العام لي فات، ومن بينها القالب لي بغات تدير واحد التلميذة للمصحح باش تحصل على نقطة واعرة فإحدى المواد.

وبحسب صورة القالب ولي عرفت انتشار واسع على “فيسبوك”، فإن التلميذة مولات القالب بغات على ما يبدو توظف الدين فالنصب والإحتيال باش الأستاذ المصحح يحط ليها 17 على عشرين.

التلميذ كتبت في أسفل ورقة التحرير: “أقسم بالله أني سوف أعطي لهذه التلميذة 17 متنساش راك صايم”، يعني بغات تورط الأستاذ في قسم وهو صايم باش يعطيها ديك شي لي بغات.

ربما التلميذة غير بغات تضحك مع المصحح بحسب الإشارة لي وضعت فآخر هاد الجملة ولكن هاد الضحك إلا كان صحيح راه ماشي فمحلو.