كود سبور//
توعت الدولي المغربي عثمان معما احسن لاعب فمونديال الشباب، وتعرض للإصابة فماتش الفريق ديالو واتفورد ضد ديربي كاونتي اليوم السبت ضمن منافسات القسم الاول فالننگليز، وما قدرش يكمل اللعب.
وكان عثمان معما لاعب الماتش رسمي قبل ما يتوعت، ويقرر مدرب واتفورد يبدلو بعد مرور ثلث ساعة اللولا من الشوط الاول، وخرج بتغيير اضطراري فالدقيقة 23 من الماتش، في انتظار يدير الفحوصات الطبية لمعرفة نوع الاصابة اللي عندو.
عثمان معما بطل العالم مع المنتخب المغربي للشباب، هو من العناصر المعول عليه فمستقبل المنتخب الوطني المغربي الاول، كاتطالب به الجماهير المغربية، ولكن ومن بعد هذه الاصابة ما معروفش واش غادي يكون واجد خلال الماتشات الوديين الجوج اللي جايين د المنتخب المغربي مع نهاية مارس الجاي استعدادا لمونديال 2026، ولا لا.
