الرئيسية > آش واقع > عبيابة كيهرب من أسئلة الصحفيين: لجنة النموذج التنموي موضوع سيادي
21/11/2019 19:30 آش واقع

عبيابة كيهرب من أسئلة الصحفيين: لجنة النموذج التنموي موضوع سيادي

عبيابة كيهرب من أسئلة الصحفيين: لجنة النموذج التنموي موضوع سيادي

كود الرباط//

حسن عبيابة، الناطق الرسمي باسم الحكومة، لي كيهرب من أسئلة الصحفيين ومكيبغيش يتواجه معهم، وهادشي كيعكس بلي هاد السيد ضد الحق في الوصول الى المعلومة.

اليوم قال ف ندوة المجلس الحكومي المنعقدة زوال اليوم، بلي الصحافة خصها تخدم الاهداف العليا للبلاد، اسيدي شكون نتا تعطينا دروس ف الوطنية والمصلحة العليا. راه الصحافي كياخد بعين الاعتبار باعتباره اولا مواطن المصلحة العليا لبلاده ولكن في نفس الوقت عندو استقلالية باش يكتب لي كيشوف ماشي لي كتبغي نتا تقراه.

وزاد زبلها فاش سولوه على لجنة النموذج التنموي لي تعيين فيها شكيب بنموسى على رأس اللجنة، بالقول :”هذا موضوع سيادية وهاد لجنة عندها مكانة اعتبارية وسيادية”.

وتابع “هاد النموذج سيعيش به ابنائنا ومجتمعنا بعد عشر سنوات”، مضيفا :”اعتقد خاص الجميع انخرط خصوصا الجانب الاعلامي”.

موضوعات أخرى