كود سبور//

تعرض الدولي المغربي عبد الصمد الزلزولي لاصابة فـ الشوفيا ديالو، وهو اللي كاين دابا مع المنتخب الوطني المغربي.

وحسب مصادر مطلعة فعبد الصمد الزلزولي توعت خلال تداريب المنتخب الوطني المغربي استعدادا لمواجهة منتخب أوگندا، وداوه لكلينيك بمدينة طنجة باش يدير الفحوصات الطبية ويعرفو شنو عندو.

وكاتجي هذه الاصابة باش تزيد تبرزط الطاقم التقني د المنتخب المغربي بقيادة وليد الركراكي والجمهور المغربي، مع اقتراب كاس افريقيا خصوصا ان كل من اشرف حكيمي ونايف اكرد موعتين وما معروفش واش غاديين يلعبو كوب دافريك.