كود سبور//

اكد حفيظ عبد الصادق مدرب الرجاء الرياضي، ان الفريق عايدخل ماتش غدا الاحد ضد فريق مانييما الكونگولي برسم الجولة 6 من دور مجموعات دوري ابطال إفريقيا، باش يربحو ويدافعو على الحظوظ ديالهم للتأهل إلى ربع النهائي ووضح ان اي لاعب كايغيب على التداريب إلا وعندو مبرر، وقال انه هو كمدرب واللاعبين كايخليو المشاكل للمكتب المديري للنادي وكايهتمو بما هو تقني.

وهضر حفيظ عبد الصادق خلال الندوة الصحافية اللي كاتسبق ماتش الرجاء الرياضي ضد مانييما الكونكولي وقال: “المشاكل فالرجا المكتب اللي مكلف بها وحنا واللاعبين كانديوها في ما هو تقني.. اكبر حافز لنا ضد مانييما هو توني الرجا وإلى جا التأهل مرحبا به”.

وكمل حفيظ عبد الصادق وقال: “داكشي اللي كايروج على لاعبين الرجا غير اشاعات واللي كايغيب على التداريب عندو مبرر.. خاصنا نربحو انييما وكانتسناو كادو من ليفار، غندخلو نربحو مانييما ونلعبو على الحظوظ ديالنا باش نتأهلو”.