الرئيسية > آش واقع > عبث ديموقراطي. علاش باغيين البي جي دي تخسر الانتخابات. القاسم الانتخابي غير بدية والمفاجئات جاية وناس الحزب داخلين فشد لي نعكل ليك
07/04/2021 22:30 آش واقع

عبث ديموقراطي. علاش باغيين البي جي دي تخسر الانتخابات. القاسم الانتخابي غير بدية والمفاجئات جاية وناس الحزب داخلين فشد لي نعكل ليك

عبث ديموقراطي. علاش باغيين البي جي دي تخسر الانتخابات. القاسم الانتخابي غير بدية والمفاجئات جاية وناس الحزب داخلين فشد لي نعكل ليك

كود هناء ابو علي ////

فانتخابات 2016 دارت حملة ولد زروال فكازا باش البيجيدي تخسر الانتخابات. رجال السلطة دارو حملة ضدهم مع جهات اخرى ووالو. بنكيران ربحهم فالجولة الاولى ولكن خسر الجولة الثانية المتعلقة بتشكيل الحكومة. ديك الساعة كانت الدولة ماشي بهاد القوة. قوة بيناتها فالتعامل مع تداعيات كورونا. بانت دولة قوية عصرية ذكية فتعاملها مع وضعية غاية فالتعقيد.

اللي ما باغيينش البي جي دي تربح الانتخابات عطاو اشارات. قيادات فالحزب ما فهمات والو. قيادات فالحزب واخا قليلة كانت مع اما تقليص المشاركة او يمشيو المعارضة. باراكا من الحكومة. هادو فهمو باللي باش يخلقو الثقة مع اللي رافضينهم ولعبو بورقة مسيرة ولد زروال٬ خاص البي جي دي ما تربحش انتخابات هاد العام،

قيادي كيشوف فتصريحو ل”كود” باللي القاسم الانتخابي غير “بداية” لحوايج اخرى اكثر تشدد باش الحزب ما يربحش الانتخابات. القيادي ما وضحش ل”كود” اش هاد لحوايج. واش الدفع فاتجاه تقسيم الحزب؟ وارد جدا. قيادي فحزب معارض اكد ل”كود” باللي هادا سيناريو قائم وباللي تخبرو بيه. التقسيم ما كيعنيش انشاء حزب اخر من غير البي جي دي. اللا. التقسيم كيعني تحييد عدد من قيادة الحزب فالانتخابات الجاية. دابا الحزب محروم من ميسي ديالهم: عبد الاله بنكيران اللي علق انتماؤو لهيئات الحزب بعد التصويت على قانون تقنين الكيف. طبعا غادي يطبق وعدو فحالة ايلى صادق نواب الحزب فمجلس النواب على هاد القانون كيف سبق واعلن فرسالتو الشهيرة اللي نشراتها “كود”.

اذن البي جي دي حاصل.

موضوعات أخرى

21/04/2021 19:10

قضية الممثلين الدزايريين اللي مشدودين بسباب إهانة دراري مغاربة ف مراكش.. المتهمين خداو التنازل من عائلات الضحايا والملف دخل للمداولة