وكالات//

بروك هوغان، بنت نجم المصارعة الراحل هالك هوغان، كاتعيش دابا فأوطيل بعدما خرجات من الورث ديال باها اللي كتوصل قيمتو لـ5 مليون دولار.

بروك فقدات باها فشهر يوليو اللي فات، من بعد ما جاتو نوبة قلبية، ومن بعد خرجات وثائق من المحكمة كيبانو فيها أنها ما غتاخد حتى ريال من التركة ديالو. ولكن بروك صرّحات لموقع TMZ وقالت إن القرار ما فاجأهاش، وبقات متشبثة به، وقالت: “هادشي كان بطلب مني، وما ندمتش عليه.”

ورغم هادشي، كملات بروك المسيرة الفنية ديالها بنشاط. فـ19 شتنبر، راجلها ستيفن أوليسكي، اللي هو لاعب هوكي، قال لمجلة: Us Weekly  دابا حنا فميامي، ومراتي رجعات تخدم مع شركة Sobe Entertainment باش تسجّل حوالي 14 أغنية فـ10 أيام.”

وزاد قال: “بحكم خدمتي فرياضة الهوكي والسفر ديالها، راه متعودين على هاد الستايل ديال الحياة، وعندنا روتين ديالنا مع التوأم.”

بروك وستيفن تزوجو فـ2022، وعندهم جوج ديال الوليدات التوأم، أوليفر ومولي، تزادو فـ2025. وستيفن أكّد أنه كايقضي وقت يومي مع الدراري باش يخلي بروك تركز على الموسيقى ديالها، خصوصا وأن بعض جلسات التسجيل كاتطوّل حتى لوقت متأخر فالليل.