وكالات//

ضربات محكمة فلبنان الوزير السابق وئام وهاب بشهرين ديال الحبس، وزادت عليه غرامة ديال مليار ليرة لبنانية، بسبب تصريحات مسيئة قالها فحق القاضية غادة أبو كروم.

الحكم خرج من عند القاضية فاطمة جوني، وكيعتمد على المادة 383 من القانون الجنائي اللي كتهضر على جُنحة التحقير.

القضية بدات من واحد التغريدة اللي كتبها وهاب فـ2017 فـ”إكس” (تويتر قبل)، من بعد ما تعتاقلت واحد السيدة اللي خالفت قانون البناء، فـتحقيق كانت مشرفة عليه القاضية أبو كروم، وهي كانت وقتها نائبة عامة استئنافية فالنبطية. فديك التغريدة المثيرة للجدل، قال وهاب: “كننصح مجلس القضاء مايعطيوش المناصب الحساسة واللي فيها احتكاك مع الناس للعانسات، حيت كيولي عندهم الانتقام من كلشي”.

المحكمة قالت إن هاد التصريحات فيها إساءة واضحة وتهجم ماعندو حتى مبرر، واعتبراتها شكل من أشكال التحقير العلني اللي كيستاهل العقوبة، خصوصاً أنها كانت موجهة بطريقة مباشرة وغير مباشرة لقاضية كتخدم فـمنصبها القضائي بطريقة قانونية.