كود -تزنيت//

اليوم الجمعة بالعشية تعدا واحد المسطي على گاوريا فتزنيت وبالضبط فزنقة ادزكري لي كاينة وسط المدينة حدا ساحة المشور المعروفة فالمدينة.

وحسب مصادر كود فالمختل العقلي كان كايشير بالحجر وكان فحالة هيجان قبل ماتجي حجرة فالأطراف السفلى ديال السائحة ولولا تدخل المواطنين لوقعات كارثة جديدة بعد الاعتداء ديال مختل عقلي على سائحة فرنسية  ولي تسبب فمقتلها يوم 15 يناير 2022 وهو لي حكمات عليه محكمة سلا بالإيداع فمستشفى الأمراض العقلية بعد تبوث اصابته بإعاقة ذهنية.

مصادر خاصة قالت لكود ان حادث اليوم حادث عرضي و السلطات الامنية فتيزنيت راه فتحات تحقيق فالموضوع  حيث شدو البوليس المعتدي وغاديرو معاه اونكيط.

هاد الحادث كايجي بعد ساعات من زيارة المدير العام للأمن الوطني عبداللطيف الحموشي لعاصمة الفضة تيزنيت.