كود – وكالات//

رجعات قضية مايكل جاكسون، للمحاكم الأمريكية بعدما خرجات اتهامات جديدة كتقول أن المغني مورط فاعتداءات جنسية على دراري صغار فالتسعينات، هاد الهضرة رجعات بعدما  تنشرات تصاور قديمة ماكانتش معروفة من قبل، كيبان فيها جاكسون مع دراري  من عائلة كاسيو وهما مازال صغار.

حسب الدعوى القضائية اللي ترفعات فمحكمة اتحادية فـلوس أنجلوس، أفراد من عائلة كاسيو كيأكدو أن الاعتداءات وقعات فعدة مناسبات وفأماكن مختلفة، العائلة كتقول إن بعض هاد التصاور كترجع لوقيتة كيقول الضحايا انها عرفات هاد الأفعال.

من بين الشهادات، دومينيك كاسيو اللي كان صغير بزاف فداك الوقت، واللي اليوم كيقول إن واحد الصورة اللي تجمعو مع جاكسون فشومبر ديال لوطيل فـنيويورك ،فين كيعواد بالتفاصيل كيفاش مايكل تحرش بيه وهو صغير على مكيقول.

الدعوى كتقول حتى أن العلاقة القريبة اللي كانت بين جاكسون والعائلة خلات الدراري يزوروه بزاف، خصوصاً فمزرعة نيفرلاند ديالو فكالفورنيا. وكتضيف العائلة أن بعض هاد الزيارات كانت حتى بلا والدين.