الرئيسية > الزين والحداكة > عام على قدو باش غبرات مريم سعيد من بعد ما شهر بيها حساب “حمزة مون بيبي”.. واش غادي ترجع قريبا؟
21/01/2020 12:00 الزين والحداكة

عام على قدو باش غبرات مريم سعيد من بعد ما شهر بيها حساب “حمزة مون بيبي”.. واش غادي ترجع قريبا؟

عام على قدو باش غبرات مريم سعيد من بعد ما شهر بيها حساب “حمزة مون بيبي”.. واش غادي ترجع قريبا؟

نجوى المالحي-كود//

في مثل هاد الفترة العام لي فات كان حساب “حمزة مون بيبي” داير الحرب على الاعلامية المغربية مريم سعيد لي كانت حينها خدامة في قناة “Mbc” وكتقدم “trending”، أشهر برنامج ترفيهي كيحظى بمتابعة كبيرة في العالم العربي.

في نفس الفترة، كان سيمو بنبشير كيخرج في الحوارات وكيقصفها ويسب ويعاير فيها بكلام فيه المعاني والضرب من تحت الحزام. وبدون مقدمات، علنات مريم سعيد أنها غادي تخرج من القناة السعودية.

وبتاريخ 9 فبراير 2019 وقفات مريم سعيد حياتها في العالم الافتراضي واختارت أنها تبعد على جميع الأحداث أو الشراكات لي كانت موقعة معاهم عقود ديال الاشهار. عام داز على قدو بلاما تخرج أو تدوي على الموضوع.

وواخا كان كثر القيل والقال لكن في الأخير حضات مريم بتعاطف كبير بعد ما تبين أن حساب “حمزة مون بيبي” مكانش حساب عادي ولكن عصابة ديال الابتزاز والتشهير وتصفية الحسابات.

والتبركَيكَة لي جابت “كَود” أن بنت أكادير ماكتفكرش في الرجوع إلى التقديم أو الظهور في التلفاز أو في العالم الافتراضي. هاد الاختيار خداتو عن قناعة بعدما تعرضات حياتها للدمار بسبب الشهرة.

مريم سعيد مزوجة حاليا وعايشة حياتها بين دبي والطاليان. وأكد مصدر الموقع أن رجوعها يقدر يكون بعدما تقول المحكمة كلمتها الأخيرة في حق عصابة “حمزة مون بيبي”.

موضوعات أخرى

22/02/2020 20:30

المحمدية من مدينة ديال الورد لمدينة تحتل شوارعها الكلاب.. السلطات باغيين حل وخايفين يتكرر سيناريو الكلاب المسعورة ديال الحسيمة وانزكان وكلميم

22/02/2020 18:30

رواية مثيرة للسفارة الكويتية حول قضية “اغتصاب قاصر”: حالة التلبس غير ثابتة وأشرطة فيديو كتنفي الاغتصاب والبنت ما مامسجلاش فالحالة المدنية