الرئيسية > آش واقع > عام دالحبس لهاداك اللي شبع نصوصا فاساتذة التعاقد
05/04/2021 20:39 آش واقع

عام دالحبس لهاداك اللي شبع نصوصا فاساتذة التعاقد

عام دالحبس لهاداك اللي شبع نصوصا فاساتذة التعاقد

كود كازا//

حكمات ابتدائية الرباط، اليوم الاثنين، على الدري اللي بأن ففيديو كيعنف الاساتذة المتعاقدين فأحد احتجاجاتهم، وكيجمعهم بنص، بالحبس عام نافذ.

وتابعات المحكمة المتهم (س.ب) بجرائم “الضرب والجرح وانتحال صفة والتدخل في أعمال أمرت بها السلطات العامة”.

ومن الارجح يدوز المتهم عقوبتو الحبسية فسجن العرجات.

وكانت قررات النيابة العامة متابعة “مول النص” فحالة اعتقال، بعدما كَلس فالحراسة النظرية 48 ساعة.

وكانت الفيديو ديال (س.ب) راجت على مواقع التواصل الاجتماعي، الشيء اللي خلا المتابعين يتساءلو على صفة هذ الشخص، وشنو الصلاحية اللي خلاتو يعنف الأساتذة بهذ الطريقة.

موضوعات أخرى

17/04/2021 21:00

رمضان وكونفينمون (الحلقة 3).. محمد الشوبي فحوار مع “كود”: الاحتجاج على التراويح مزايدة ونقاش سطحي والرسول وكان كيصلي فدارو.. وفالستينات كانو الناس كياكلو رمضان وماكيتسوق ليهم حد