وكالات//

تصدر واحد العامل تركي سميتو أوزكان إيديك العناوين في الصحافة ديال تركيا، بعدما رجع واحد المبلغ كبير جاه للكونط ديالو بالغلط.

هاد السيد، ولا مثال ديال القناعة والمواطنة في البلاد والصورة ديالو نتاشرات بزاف في السوشيال ميديا في تركيا، بعدما رجع أكثر من 680 مليون سنتيم دخلات ليه للكونط ديالو بالغلط.

هاد السيد لي عندو 42 عام، خدام كعامل نظافة، وعندو جوج ولاد وكيلقى صعوبات كبيرة في أنه يأمن القوت اليومي ديال ولادو بسبب الصالير الضعيف ديالو.

ومع ذلك، قال أوزكان لموقع “N-Tv” التركي، أنه مباشرة من بعد ما وصلو الفيرمون رجع الفلوس للبنك، حينت الفلوس ماشي ديالو.