وكالات//
كشفات الحرائق لي كتلتاهم الغابات والديور والممتلكان الخاصة والعامة في ولاية كاليفورنيا الميريكانية على الفجوة الكبيرة لي كيعرفها المجتمع ديال ميريكان، خاصة بين الاغنياء والفقراء.
على حساب ماقالت بزاف ديال التقارير صحفية ميريكانية فهاد الفجوة بانت فين قدرو بزاف ديال الأغنياء انهم يشريو ولا يكريو بومبية من شركات خاصة باش يطفيو ليهم العافية.
وأكدات نفس المصادر ان بزاف ديال السكان كاعيين بزاف من هاد القضية، خاصة وانهم شافو ناس لاباس عليهم وهوما كيخلصو شركات خاص ديال البومبية، واخا كيشوفو جيرانهم كيتحرقو ليهم ديورهم.
وكشفات التقارير ان هاد الأغنياء كيقدرو يخلصو بين 3 ديال المليون حتى لعشرة ديا المليون كل نهار لهاد الشركات باش يطفيو ليهم العافية.
وعادة مكتخدم هاد الشركات غير مع المؤسسات الحكومية، ولكن هاد الأغنياء قرروا انهم يخدموهوم لصالحهم في هاد الأزمة.