عفراء علوي محمدي- كود – تصاور:  Fadel SENNA/AFP//

لليوم الثالث عناصر الوقاية المدنية وقوات التدخل والدرك الملكي مازال حاضرين باش يحاولو يطفيو العافية فجبل سونة نواحي إقليم شفشاون، باعتماد طائرات الكانادير والشاحنات الصهريجية، لكن لحد كتابة هذ الأسطر العافية مازال شاعلة.

وحسب مصدر من الساكنة بعين المكان، فالعافية دابا بدات تقرب لغابة جبل بوهاشم، كيف قربات بزاف للدواوير السكنية، والساكنة مخلوعة، وشي مواطنين متطوعيين كيحاولو يطفيوها من جهتهم ويوقفو الزحف ديالها فاتجاه الديور.

وحسب المصدر نفسو، فالعافية حرقات ما يزيد عن 200 هكتار من الغطاء الغابوي فالمنطقة، وماخلفات وراها حتى خسائر فالأرواح.

https://twitter.com/sniko_mar/status/1427061966066044933?s=21

وصعاب إخماذ العافية بسباب الريح المجهدة اللي كاينة والحال السخون، واخا تستعملات آخر المعدات الحديثة، وتم الاعتماد على 4 طائرات كانادير.