وكالات //

قالو متتبعين ديالها بللي بنت عاصي الحلاني الصغيرة كسرات الفكرة النمطية على “النجاح” عموما اللي سائدة في المجتمعات العربية، واللي كيعتبر الشخص المهندس والطبيب هوما اللي كينجحو أكثر فدراساتهم ومن بعدها فحياتهم العملية.

دانا الحلاني، قدرات تاخد ديبلوم في فن الطياب و إدارة المطاعم من مدرسة Le Cordon Bleu Paris فالعاصمة باريس، وهي واحدة من المدارس الخاصة العريقة فمجالها ففرنسا.

دانا الحلاني شاركات تصاور فالكونط ديالها فموقع “تويتر” بلبسة التخرج وطربوش الشاف وفيديها الديبلوم.

وعلقات على التصاور بكلمات بالإنكَليزية قالت فيهم “رسمياً تخرجت في Le Cordon Bleu Paris بشهادتين واحدة فالطبخ والثانية فالإدارة”.

عاصي الحلاني بدورو هنأ بنته فتغريدة على حسابو ف”تويتر” كيوثق تسلم الشهادة، وشارك فيديو علق عليه بـ”فخور جداً بك يا أميرتي”.