وكالات//

علن المركز الأمريكي ديال المحيطات والأعاصير، البارح الأحد، أن واحد العاصفة مغناطيسية ضربات الأرض.

وقال المركز فواحد البيان ديالو أن هاد العاصفة جات بسباب شي حركات ديال كواكب مع الشمس، ولكن طمأن الناس بأنها من الدرجة الأولى فقط، وماشي خطيرة.

وفي الوقت لي قالت الوكالة أن الناس ماعندهوش علاش يخافو، وهادشي ماغاديش ياثر عليهم، خرجو شي خبراء كيقول عكس هادشي.

ونقلات بزاف ديال الجورنالات ف ميريكان تصريحات ديال شي خبراء، كيقولو أن هاد العاصفة تقدر تتحول وتطلع للمستوى الثالث، وبالتالي تقدر تضرب الخطوط ديال الاتصالات والانترنت وحتى الأقمار الصناعية.