وكالات//

راجل بوليفي كان في رحلة صيد مع 4 صحابو توضر وسط غابات الأمازون وقدر يبقا عايش بالماكلة ديال الدود والحشرات وجمع الما في صباطو وشرب حتى البول ديالو.

القصة ديال جونثان أكوستا كتشبه في الواقع لشي فيلم سينمائي، بعدما بقا شهر على قدو موضر وهي الفترة لي مكانتش ساهلة نهائيا، وقال أن بزاف الحيوانات هجمو عليه وكان ممكن يقتلوه.

السيد تمشا كثر من 40 كيلومتر باش يلقى شي واحد لي يعتقو ولكن لقا راسو كيدور في نفس البلاصة. وفي مدة شهر طاح منو 17 كيلو، لكن كَاع المعاناة نساها ملي رجع دابة لوسط عائلتو.