وكالات//

علنات حديقة الحيوانات ديال سان دييغو على وفاة الفكرونة المشهورة غراما غالاباغوس، اللي عاشت تقريباً 141 عام، وكانت رمز للحديقة وسفيرة للحفاظ على الزواحف فالعالم.

وقالت الحديقة فحساباتها فالسوشيال ميديا أن غراما توفات نهار 20 نونبر، من بعد ما كانت كتعاني من مشاكل فالعظام بسبب كبر السن، وهاد الشي خلاهم يضطرّو يديرو ليها إعدام رحيم، حسب ما ذكرات شبكةCBS News.

مسؤولي الحديقة وصفو السلحفاة بأنها “لطيفة” و”خجولة”، وأكدّو أنها أثرت فحياة عدد كبير من الزوار بهدوئها لمدة قرن تقريباً. وزادو: “كان شرف لينا نعتنو بهاد السلحفاة الرائعة”.

وغراما جات من جزر غالاباغوس لحديقة حيوان برونكس فواحد من أول المجموعات ديال السلاحف اللي وصلات، ومن بعد تنقلات لسان دييغو ما بين 1928 و1931، باش تولّي جزء من واحدة من أكبر المجموعات ديال الحيوانات النادرة والمهددة بالانقراض فالعالم.