گود سبور//

كاينا فرحة كبيرة فتنزانيا بالرباح ديال سيمبا للوداد الرياضي اليوم الثلاثاء فدار السلام، ضمن الدورة 4 من دور مجموعات دوري أبطال إفريقيا.

وملي سالا الماتش بين سيمبا والوداد الرياضي لمصلحة الفريق التنزاني بنتيجة 2 لزيزو، هبط رئيس سيمبا فالبلاصة للتيران ومعه كُوفة فيها الفلوس وبدا يعلق للاعبين ديالو البريم ديال الماتش فلقطة فريدة.

لقطة كتعكس الفرحة الكبيرة فدار السلام ديال لاعبين وإدارة وجماهير سيمبا التنزاني، قيمة الرباح اللي حقق الفريق على الوداد الرياضي، هاد الأخير اللي كيتعتبر من أقوى الأندية فلافريك.