وكالات//

ماتت عارضة الأزياء الروسية سفيتلانا سافيتسكايا في كسيدة خايبة في العاصمة الفرانساوية باريس، والعمر ديالها مافايتش 34 عام.

على حساب مقالت تقارير صحفية فرانساوية، فالكسيدة وقعات فين تلاقاو جوج ديال الطوموبيلات وهو شي لي خلا واحد الطوموبيل تطلع لممر الراجلين وتدوز عليها، وماتت في البلاصة.

سفيتلانا سافيتسكايا كانت معروفة في الأوساط الغربية حيث خدمات كعارضة أزياء لبزاف ديال المجلات المتخصصة في الموضة  L’Officiel و Bazaar وGlamour.

وكان معروف على سفيتلانا سافيتسكايا كذلك، أنها كانت مقدمة برامج تلفزيونية؛ حينت قدمات فبزاف ديال القنوات المشهورة، ودخلات حتى مجال الغناء، وصدرات أغنية ديالها بعنوان “سوبرمان”.